Discusión sobre a caca dun can acaba cun disparo de taser contra un veciño de Betanzos

A Policía Local de Betanzos non estaba presente no inicio da liorta que ocorreu na tarde do xoves na Rúa Nova

O denunciante asegura que un dos dardos que disparan estar armas impactoulle no beizo

Pistola eléctrica tamén coñecida como taser nunha imaxe de csmyts flickr licencia CC BY 20 

Un home disparou a outro cunha pistola eléctrica en Betanzos (A Coruña) tras unha discusión entre ambos os despois de que o primeiro non recollese os excrementos do seu can, segundo recolle o parte da Policía Local.

VERSIÓN DA VÍTIMA

A intervención policial produciuse na tarde o xoves en Rúa Nova, á altura do número 59, deste municipio coruñés despois de que unha patrulla observase a un home que se dirixía a outro, de forma ameazante, e tentaba golpealo cun bastón mentres o agarraba unha muller para impedilo.

Xa ante un axente, e sangrando pola boca, explicou que a persoa á que lle viron ameazando marchouse do lugar e que previamente lle disparou cunha pistola eléctrica.

IMPACTO NUN BEIZO

Explicou tamén que el transitaba pola beirarrúa en dirección á súa casa e, cando chegou á altura da fachada da mesma, viu que un home e unha muller, acompañados dun can pequeno, non recollían os excrementos que o animal acababa de depositar na rúa.

Chamoulles a atención por iso, momento no que se produciu unha dicusión. Nun momento dado o home que levaba o can, desde o centro da calzada, sacou unha defensa eléctrica e disparoulle alcanzándolle cun dos dous dardos no beizo superior. Entón, segundo explicou tamén, entrou en casa, colleu un bastón e saíu para agredir ao outro.

Ao agresor, que se ausentou do lugar e que volveu, requiríuselle para que entregase a defensa eléctrica e a carga e comunicóuselle a formalización de denuncia por tenencia da mesma sen licenza. Á Policía, expúxolle que a usou para defenderse do outro implicado.