Os negocios e o futuro económico do Celta de Vigo están na Segunda División

O cadro celeste espera que os seus xogadores cedidos repórtenlle uns bos ingresos este verán para rearmarse. 

Vadillo, na súa presentación coa Celta | Foto: RC Celta

Este ano de vacas fracas, os clubs buscan espremer cada céntimo que chegue ás súas arcas. No Celta de Vigo, onde non andan sobrados, rebuscan en busca de ingresos que lles permitan acometer incorporacións este verán, como as do desexado Abram. Nesa procura, os cedidos erixíronse como unha potencial mina de ouro. Son cinco: Vadillo, Jozabed, Juan Hernández, 'Toro' Fernández e Okay Yukuslu, cada un coa súa situación particular pero que en boa medida poden deixar unha boa cantidade na conta dos celestes este verán, algúns mesmo obrigados polos seus contratos.

Nese sentido, o mellor que lle puiden pasar ao Celta é que a Espanyol e Málaga lles vaia moi ben a tempada. Os dous equipos sofren algún que outro apuro económico, pero as clausulas dos contratos poden reportar un bo diñeiro ao Celta. É o caso de Vadillo, que en caso de ascenso do club periquito pasará a formar parte da nómina dos branquiazuis por dous millóns de euros, a pesar de que de momento non gozou de oportunidades na cidade condal acosado polas lesións.

Jozabed, en cambio, non parece que ascenderá co Málaga, pero o seu desexo é permanecer no sur, doe atopou os minutos que non tiña no Celta. É un dos veteranos nun club onde só seis futbolistas exceden a trintena. O liderado e a experiencia do sevillano son un grao que con gusto sumarían na Rosaleda, onde espera seguir xogando o ano que vén. Para iso, terá que haber un entendemento entre os dous clubs para traspasar ao futbolista.

Máis difícil teno o 'Toro' Fernández. Perdeu a titularidade no Real Zaragoza desde a chegada de JIM e aínda non se estreou co conxunto maño. No Celta parecen convencidos de que o charrúa non dá o nivel e poderían buscarlle unha saída a algún equipo suramericano, onde aínda goza dun bo cartel. Tampouco está claro o futuro de Juan Hernández, con contrato ata 2022. No Sabadell é unha peza importante aínda que non é fixo no once de AntonioHidalgo. Con todo, en Segunda non lle faltarán pretendentes polas súas características e profesionalidade.

Mencion aparte merece Okay Yukuslu. O internacional turco está cedido na Premier League no WestBromwich Albion, penultimo clasificado da liga inglesa, a dez puntos da salvación a falta de nove xornadas. A pesar de que a permanencia dos baggies parece unha quimera, o impacto de Okay en Inglaterra foi máis que positivo. Ademais, é un xogador importante en Turquía e o seu concurso na próxima Eurocopa é case seguro para medirse a Suíza, Italia e Gales. Se calla un bo papel cos otománs, os cantos de sirena de equipos procedentes de todo o continente non tardarán de chegar á Sede, que non poñerá pegas á súa saída se chega unha oferta proveitosa.