​O Dépor ficha a Miguel Juane como secretario, pero non como conselleiro

O vigués incorpórase á nova directiva do club herculino e formará parte do Consello de Administración do RC Deportivo da Coruña, aínda que non gozará do cargo de conselleiro.

Miguel Juane | Foto: RC Deportivo

Desde as oficinas da Praza de Pontevedra sinalan que a súa entrada no club supón un “reforzo” da área xurídica. Do mesmo xeito, advirten que Juane é “un profesional con ampla e recoñecida experiencia no ámbito do dereito deportivo”.

No seu currículo figura presidir durante oito anos o Comité Galego de Disciplina Deportiva ou a Asociación Galega de Dereito Deportivo durante catro anos. Juane posúe a carreira de Dereito e é mediador colexiado, ademais de dous máis

Con todo, a carreira do xurista non se circunscribe exclusivamente aos xulgados: “Miguel Juane está vinculado co deporte en toda a súa traxectoria vital, porque antes de iniciar a súa carreira no ámbito xurídico foi xogador profesional de baloncesto, ademais de ser director xeneral do CAB Obradoiro”.