O rebote de positivos na Coruña leva ao SERGAS para realizar o maior cribado da historia en Galicia

A Coruña é a cidade con peores cifras e, ademais, a que primeiro está a sentir o fin da melloría da terceira onda

A incidencia acumulada a 14 días da Coruña está á alza hoxe despois de que a incidencia acumulada a 7 días rebotase tres xornadas seguidas

O nivel de covid-19 na cidade actualmente é similar ao que había na época de Reyes, cando empezou a explotar a terceira onda

A Consellería de Sanidade fará esta semana un "cribado masivo" con 153.000 probas na cidade da Coruña para detectar posibles casos asintomáticos de covid-19, dado que se trata da urbe que máis "preocupa" nestes momentos.

Así o explicou o conselleiro, Julio García Comesaña, durante a rolda de prensa para dar a coñecer os asuntos tratados no último comité clínico, no que se determinou que a cidade herculina ten unha incidencia a 14 días de 225 casos, a máis alta das sete urbes galegas. Tamén o conxunto da súa área sanitaria é a que presenta máis incidencia de casos por 100.000 habitantes a dúas semanas, 160. 

A incidencia acumulada a 14 días e a 7 días de todo o distrito sanitario da Coruña tamén están alza, segundo os datos do doutor Luís Vázquez:

Isto fai que as autoridades sanitarias galegas estean "especialmente atentos" tanto ao Concello da Coruña como aos municipios limítrofes, onde buscan incrementar a "capacidade diagnóstica" de casos ocultos.

Unha das medidas para iso é o acordo co Colexio de Farmacéuticos para estender á Coruña o sistema de cribado por saliva posto en marcha nas oficinas de farmacia da provincia de Pontevedra. 

García Comesaña explicou que o acordo se pechará entre hoxe e mañá. Paralelamente, levará a cabo un cribado masivo na cidade da Coruña, no que está previsto recoller 153.000 mostras.