U​SO reclama ao goberno de Díaz Ayuso que rompa os contratos con “a empresa pirata” galega Alcor Seguridade

Desde a Federación de Traballadores da Seguridade Privada da Unión Sindical Obreira (FTSP-USO) instan á Comunidad de Madrid a rescindir os contratos que o goberno rexional mantén coa empresa monfortina Alcor Seguridade.

De feito, a empresa, ligada ao empresario Carlos Somoza, involucrado en varios procesos xudiciais polo 'Caso Muros', é a encargada da seguridade na Consellería de Economía, Emprego e Competitividade da Comunidad de Madrid.

Díaz Ayuso, presidenta da Comunidade de Madird | Foto: EP

O organismo sindical alega un “presunto incumprimento contractual en materia de contratación pública” para amparar a súa petición. Nese sentido, sinalan que Alcor “non respecta, como xa é habitual, o prego de cláusulas administrativas de referencia do contrato de adxudicación, respecto a a obrigación de aplicar durante a vixencia do mesmo a todos os traballadores ‘sen excepción’ que desempeñen o seu labor nese centro de traballo, o Convenio Colectivo Estatal das Empresas de Seguridade”.

A raíz do problema é que Alcor alcanzou un convenio propio que se atopa fóra do convenio laboral, o que levou a algúns sindicatos para tachar á empresa de “baixo custo” ou directamente de “pirata”. O propio Carlos Somoza defendeuse desas acusación en Galiciapress: “(O convenio) non o inventou o señor Somoza ás cinco da mañá, senón que durante ano e medio estiven a negociar cos traballadores cando a crise era moi grande, e polo que grazas a ese convenio están a vivir 600 persoas” .

Basilio Alberto Febles, secretario seneral da FTSP-USO, explica que “aínda que é certo que a empresa denunciada Alcor, aplica o Convenio Colectivo Sectorial Estatal aos traballadores subrogados neste servizo, non o aplica igualmente aos traballadores con contrato eventual e os que cobren servizos por diferentes motivos”.

“A estes aplícalles o convenio de empresa, cunhas condicións económicas e sociais substancialmente inferiores ao sectorial, o que de xeito evidente infrinxe o asinado nas cláusulas administrativas sinaladas, co que adquire unha posición de vantaxe”, reprocha, á vez que remarca que isto supón “unha discriminación salarial” . Desde USO insisten en que en caso de incumprimento desa clausula “débese proceder á rescsión do contrato”.

Na mesma liña, subliñan de novo as “malas prácticas laborais” de Alcor Seguridade “que crea diferenzas salariais” entre os vixiantes de seguridade “co único fin de obter vantaxe económica nas súas ofertas comerciais, creando unha competencia desleal coas demais empresas e incumprindo logo cos pregos de condicións dos concursos e sometendo a pésimas condicións económicas e laborais aos seus traballadores”.