Centos de peixes mortos no Río Xunco de Burela por un posible vertido de policloruro de aluminio

O policloruro de aluminio utilízase habitualmente para potabilizar augas superficiais, pero parece que un veciño empregouno para baldear un chan preto do Paseo dos Namorados.

A Garda Civil  imputa en calidade de investigado a un veciño de Burela (Lugo) como presunto autor dun delito ambiental por unha vertedura ao Río Xunco polo que supostamente morreron uns 470 peixes.

Río Xunco nunha imaxe publicada por Turgalicia

Segundo informou o Instituto Armado, axentes do Seprona tiveron coñecemento da existencia dunha vertedura no Río Xunco nun tramo que discorre nas inmediacións da fervenza do paseo dos namorados.

Unha vez no lugar comprobaron que ao longo duns seis quilómetros de tramo foran recuperados falecidos 470 especímenes de troitas e reos, destacou a Benemérita.

Por iso, investígase "se a súa orixe está na limpeza do chan mediante sistema de baldeo", tras producirse, concretan as mesmas fontes, "un derrame de policloruro de aluminio con filtración do citado produto ao río a través de arquetas de augas pluviais".