O TSXG condena ao SERGAS para indemnizar con 150.000 euros a familiares dunha muller que morreu dunha reacción alérxica

O Tribunal considera probada a mala praxe coa paciente no PAC de Caldas de Reis ao prescribir un tratamento que lle provocou unha reacción alérxica. 

Na historia clínica da falecida constaba os riscos que estes medicamentos supoñían para a muller. 

O Tribunal Superior de Xustiza de Galicia recoñeceu o dereito dunha familia para recibir unha indemnización de 150.000 euros pola morte dunha muller debido a unha reacción alérxica a un tratamento prescrito no PAC de Caldas de Reis.

O fallo acepta en parte o recurso presentado contra a sentenza desestimatoria en primeira instancia, presentado polo viúvo e o fillo da falecida, e condena á Administración para abonar o pago da citada cantidade.

Os familiares denunciaron a "deficiente" asistencia médica no PAC ao habérselle prescrito un tratamento antibiótico que lle produciu un shock anafiláctico que lle provocou a morte.

O tribunal recoñece o un erro na actuación do PAC, que non atendeu as particulares circunstancias da paciente ao tratarse dunha persoa "que mostrara signos de sensibilidade reactiva respecto a un antibiótico -amoxicilina-, era alérxica á penicilina e aos Betalactamicos", a pesar de que na súa historia clínica "constaba prohibida a dispensación destes medicamentos".