​Choiva de premios en Vigo: 280.000 euros grazas ao cupón da ONCE

O último sorteo da ONCE deixou un bo número de premiados na cidade olívica.

Inocencio Couñago, vendedor da ONCE, repartiu ata oito boletos premiados no sorteo de onte 29 de setembro.

En total son 280.000 euros os que aterran na cidade viguesa a través da venda de Inocencio, que ten o seu posto xunto ao cemiterio municipal.

Cada boleto premiado está agraciado con 35.000 euros e para Inocencio é “unha gran alegría”. Ademais, o propio vendedor recoñece que nestes momentos o premio lle reconforta aínda máis, xa que el foi unha das primeiras persoas da cidade en dar positivo por Covid-19 o pasado marzo.

Agora, totalmente recuperado, confía en seguir repartindo a sorte entre os seus veciños e coñecidos, aos que esta semana lles chegou un bo tanto.