Rastreadores militares empezan a traballar en Galicia meses despois do inicio dos rebrotes

Galicia está a navegar esta segunda onda notablemente mellor que a media de España e a axuda dos militares debería contribuír a reducir uns contagios que levan tempo estabilizados. Con todo, a súa chegada a finais de setembro é unha mostra de canto tardaron as administracións en reforzar o suficiente un rastrexo cuxo número de efectivos o SERGAS segue ocultando.

Un total de 180 membros do Ministerio de Defensa comezan este luns para traballar na Comunidade galega como rastreadores de contactos de persoas afectadas por coronavirus.

PROCEDENTES DE VARIOS FORZAS

A maioría dos rastreadores que inician a súa actividade en Galicia este luns pertencen ao Exército de Terra. Son 110, dos cales, 100 son parte da Brilat e 10 da forza loxística operativa.

Os restantes forman parte da Armada: 60 do Arsenal de Infantería de Mariña Ferrol e dez da Escola Naval Militar de Marín.

ESPECIALIZADOS

Será a Xunta a que lles facilite os datos dos contactos de positivos que deben rastrexar. O obxectivo é centrarse en colectivos específicos, grandes empresas e brotes virulentos.