"Hai que tomarse máis en serio o confinamento" esixe o alcalde de Ortigueira

Estase máis a salvo do coronavirus nunha pequena vila? O alcalde de Ortigueira lémbralle aos seus veciños que xa levan cinco casos positivos e que pode haber máis.

O alcalde de Ortigueira, Juan Penabab (PSOE), asegurou que o seu municipio conta nestes momentos con tres focos de coronavirus nos que, a día de hoxe, infectáronse un total de cinco persoas, das que catro están hospitalizadas e unha permanece no seu domicilio.

Jesús Penabad

VIAXE DO IMSERSO

A través dun comunicado emitido este mércores, o concello afirma que dous dos focos de coronavirus teñen orixe nunha familia que regresou dunha viaxe do Imserso ao Levante e nunha persoa que visitou o estranxeiro.

Ademais dos cinco infectados por COVID-19, o consistorio informa de que outros dous veciños do municipio da comarca de Ortegal están no hospital á espera de probas que confirmen se padecen ou non a enfermidade.

O rexedor de Oritigueira enviou unha mensaxe de tranquilidade aos seus veciños, aos que tamén chama a cumprir estritamente coas medidas de confinamento para evitar contagios.

"Queremos informar con transparencia para poder chegar a todos os posibles afectados e para garantir que a orixe en todos os casos está controlada, pero tamén insistir en que hai que cumprir co confinamento, agora máis que nunca", incidiu.

Así, o concello asegura que se está comunicando "con todas as persoas que puideron estar relacionadas con algún destes tres focos para que permanezan nas súas vivendas e, no caso de ter algún dos síntomas que presenta o virus, que chamen tanto ao centro de saúde de Ortigueira ou ao teléfono 900 400 116".

O rexedor socialista ha trasladado que "á marxe destas cinco persoas confirmadas con coronavirus, a maioría da xente en contacto con estes focos non presenta síntoma algún, polo que é moi importante permanecer en situación de confinamento porque os contagios pódense producir aínda sen telos (síntomas)".

Neste sentido, apuntou que "os novos tests que se están facendo poden arroxar algún positivo máis nos próximos días, pero que o feito de que os casos sexan xa de hai dúas semanas permite certo optimismo sobre o control do coronavirus en Ortigueira", concluíu.