​(VÍDEO) As Urxencias do CHUAC responden os aplausos da cidadanía: “Imos dalo todo contra o coronavirus”

“Estamos xuntos en isto”, din os profesionais da sanidade pública, que quixeron facer público o seu agradecemento ao movemento cidadán que recoñeceu o labor dos traballadores do sector da saúde por medio dun aplauso unánime onte ás 22 horas.

Os empregados do Hospital Clínico Universitario da Coruña responderon con emoción ás mostras de agarimo e recoñecemento que chegaron ao longo das últimas horas por parte da cidadanía, que poñer en valor o esforzo que desde os hospitais e centros de saúde de todo o país está a levarse a cabo para poñer freo ao coronavirus e atender aos afectados.

Do mesmo xeito, desde o CHUAC insisten en que é fundamental respectar a corentena e facer caso ás autoridades sanitarias. “Axúdasnos? Quédache na casa”, animan desde o hospital.

“Oímosvos aplaudirnos nas xanelas e foi moi emocionante. Estamos xuntos nisto. Imos dalo todo”. O vídeo conclúe cun aplauso por parte dos profesionais da sanidade a todos os cidadáns que lles deron o seu apoio nestes momentos tan difíciles.