Feijóo segue xogando ao descoido co seu futuro, pero tranquiliza ao PPdeG: "Será o que queredes que faga"
O presidente da Xunta e líder do PPdeG, Alberto Núñez Feijóo, lanzou unha mensaxe en clave interna ao seu partido no marco dunha entrega de carnés a novos afiliados mentres segue sen 'oficializar' se optará a un cuarto mandato nas autonómicas galegas que tocan este ano. Sexa cal for a súa decisión, mostrouse "convencido" de que será o que os populares queren que faga. E o que o seu partido desexa que faga é que sexa candidato.
O presidente da Xunta e líder do PPdeG, Alberto Núñez Feijóo, lanzou unha mensaxe en clave interna ao seu partido no marco dunha entrega de carnés a novos afiliados mentres segue sen 'oficializar' se optará a un cuarto mandato nas autonómicas galegas que tocan este ano. Sexa cal for a súa decisión, mostrouse "convencido" de que será o que os populares queren que faga. E o que o seu partido desexa que faga é que sexa candidato.
Feijóo durante o acto | Foto: PPdeG
"Seguirémonos vendo e haberá máis oportunidades para seguir insistindo no compromiso con Galicia. Non hai necesidade de urxencias nin de nerviosismos. Agradezo moito a paciencia que tedes comigo, síntome moi libre de facer o que queira facer e estou convencido de que, faga o que faga, será o que queredes que faga", proclamou.
E o que o partido desexa que faga o deixaran claro previamente os presidentes provinciais. Fixérono expresamente Diego Calvo (A Coruña), Elena Candia (Lugo) e Alfonso Rueda (Pontevedra) durante as súas intervencións e tamén o ourensán Manuel Baltar, ao final do acto, preguntado polos medios de comunicación: ser o candidato.
No partido non se contempla esta alternativa e no acto deste sábado quedou claro. Pola súa banda, Feijóo, amigo de medir os seus tempos, rexeitou "urxencias", pero lanzou unha mensaxe de tranquilidade e reivindicou que non hai "honra máis grande" que servir a Galicia e ao partido que representa á "maioría" dos cidadáns.
"Xuntos imos estar á altura desa gran maioría de galegos que ven en nós a política que consiste en servir", proclamou.
Escribe o teu comentario