A muller desaparecida en Pontevedra aparece morta flotando no Río Lérez
Efectivos de emerxencias localizaron este venres un cadáver flotando no río Lérez, que se corresponde cunha muller que desaparecera o pasado mércores en Pontevedra.
A muller levaba dous días desaparecida e o seu corpo foi localizado esta tarde. A autopsia pode dar pistas sobre a causa do falecemento.
Río Lérez ao seu paso por Monteporreiro / mapio
Polo momento, as forzas da orde tratan de esclarecer as circunstancias do suceso, aínda que están á espera dos resultados da autopsia. A pesar diso, non presentaba signos de violencia.
O corpo foi achado á altura de Monteporreiro. Efectivos de Bombeiros acudiron esta mañá requiridos pola Policía Nacional, cos seus medios acuáticos, para tentar rescatar o cadáver.
En concreto, trátase dunha muller que faltaba do seu domicilio desde facía dous días, cando un familiar denunciou a súa desaparición.
O CAE 112 puxo en marcha un operativo de procura, coordinado pola Policía Nacional, no que colaboraron, ademais, os axentes da Policía Local.
Escribe o teu comentario