O SERGAS cita a unha muller con alto risco de cancro para unha revisión en 2021.

O 27 de xaneiro de 2021. Para ese día ten cita a S.B.F., unha muller á que se lle detectou nunha citoloxía unha lesión con "alto risco oncogénico". 

Esa cita pediuna o 8 de novembro de 2019, segundo relata nun comunicado remitido pola Asociación de Pacientes do CHUS.  A súa xinecóloga indicáralle que debería facerse unha revisión en seis meses. Con todo, -e a pesar dos indicios de risco de desenvolver un cancro de colon- o SERGAS a cita para revisión 9 meses despois do que recomenda a súa doutora.

Eloína Feijóo, xerente do SERGAS en Santiago, vacinándose contra a gripe nunha imaxe de arquivo

RESPOSTA DO SERGAS

Consultada a xerencia do CHUS por Galiciapress sobre esta denuncia, desde a Xunta comprométense a revisar todos os detalles e a garantir que a muller recibe a atención que lle corresponde no prazo máis adecuado.

A afectada relata que tras a citoloxía inicial explicáronlle que a lesión pode curarse espontaneamente, pero tamén requirir unha intervención antes de que "creza e invada máis tecidos".  Por iso son necesarias as revisións periódicas, que ata hoxe detectaron que o problema aumentase, pero tampouco desaparecera.

Desde a Asociación de Pacientes cargan as tintas contra a Xerencia do CHUS. "Esta demora de 9 meses sobre o prazo fixado pola especialista pode ter consecuencias dramáticas", razoan tras acusar ao SERGAS de vulnerar o dereito fundamental de S.B.F  á asistencia nos tempos necesarios.  O colectivo fala de "alarma" entre os pacientes que, ademais de loitar contra as súas doenzas, teñen que esforzarse para "facer valer dereitos que nos recomenda o ordenamento xurídico".