​'Enfermeiras eventuais en loita’ dedica a última protesta do ano aos pacientes

A protesta do colectivo está encadrada na campaña ‘#12meses12loitas’ e terá lugar o próximo 12 de decembro ás 12 horas en hospitais e centros de saúde.

Protesta da plataforma

O colectivo ‘Enfermeiras eventuais en loita’ vén de anunciar a que, previsiblemente, será a última convocatoria do ano. A plataforma chama a mobilizarse o próximo 12 de decembro en defensa dos enfermos “pois son o eixo dos nosos coidados e peza fundamental do noso facer”.

“O fin último das nosas mobilizacións é ter ese intre para estar contigo, cando os pensamentos máis negativos non deixan espazo para nada máis. Loitamos por aumentar a confianza que tes nolos nosos coidados,  achegando tranquilidade nos momentos de  incerteza e dor”, manifesta a plataforma no seu comunicado.

Ti sabes que nós imos estar aí, porque a prioridade é coidar de ti, porque ti é a nosa loita.
Sumar a nós! 12 de Decembro ás 12h na porta dous Hospitais e Centros de Saúde #tiesanosaloita#coidaaquentecoida pic.twitter.com/hnW9ueSpwW

— Enfermeiras en Loita (@eventuais_loita) December 9, 2019

A convocatoria, para as 12 horas ante hospitais e centros de saúde, está enmarcada na campaña ‘#12meses12loitas’ do colectivo. “Ti sabes que nós imos estar aí, porque a prioridade é coidar de ti, porque ti es a nosa loita”, sentencia o colectivo.