​(VÍDEO) Decenas de veciños protestan en Carballo contra os parques eólicos

A 'Plataforma Contra Eólicos Bustelo-Campelo-Toural'  concentrou a decenas de veciños no municipio carballés para protestar contra os tres parques eólicos proxectados nos municipios de Carballo, Coristanco e Santa Comba.

Manifestación da plataforma

Desde a plataforma denuncian que, aínda que desde a administración individualízanos en tres parques diferenciados, en realidade trátase de "un único megaparque" que se atopará "moi preto das vivendas" e que afectará de forma considerable aos veciños.

Do mesmo xeito, o colectivo pon de manifesto que estes parques eólicos poñen en risco a economía gandeira da zona baixo o pretexto de que se trata dun "proxecto de utilizade pública". "A utilidade pública do proxecto é dubidosa, xa que en Galicia xa se produce máis enerxía eólica da que consome", sinalan desde a plataforma.  

Na mesma liña, tamén poñen a lupa sobre o risco ambiental derivado da construción deses complexos eólicos e das liñas de alta tensión que se construirán para transportar a enerxía. "Ameazan unha área catalogada de Especial Protección como é a Lagoa de Alcaián, onde nace a principal fonte de auga do río Xallas", lamentan.