Mazaricos recibe o 0,6% dos "30 millóns anuais" que xeran os 120 muíños que hai nese concello

"Migallas"  que, ademais, a maioría queda n a Xunta. Así cualifica o edil de Mazaricos o canon eólico, a polémica taxa ambiental creada polo Goberno Galego para compensar aos que soportan o impato  dos aeroxeradores.

Así o destacou durante unha visita este venres dos deputados do Bloque Luís Bará e Xosé Luís Rivas, 'Mini', para analizar o impacto dos parques eólicos neste municipio. 

O alcalde aproveitou a cita para manifestar a súa malestar coas novas instalacións eólicas que pretenden asentarse en Mazaricos, que, segundo asegura, ocuparán terras de uso agrícola e gandeiro.

Segundo os datos presentados polo primeiro edil, "os 120 muíños xeran máis de 30 millóns anuais mentres que o concello e os propietarios das terras reciben as migallas".

O rexedor nacionalista ha informado aos parlamentarios do Bloque da reclamación do consistorio á Xunta de Galicia con respecto ao Fondo de Compensación Ambiental. Segundo o alcalde, "a Xunta recada 700.000 euros do canon eólico e o concello 200.000, cando debería percibir como mínimo o 50%".

Tras a súa visita a Mazaricos, os deputados nacionalistas han denunciado "extorsión" das empresas eólicas aos propietarios e ao concello coa complicidade do Executivo autonómico.

Para 'Mini', é "un auténtico espolio dos recursos da riqueza do territorio" e "unha rapina perpetrada coa complicidade de la Xunta de Galicia, que aprobou a chamada lei de depredación para poñerlle fácil ás empresas a tramitación dos parques, pasando por encima dos intereses dos propietarios e os concellos".