Cadea humana contra un "vertedoiro encuberto" en Casalonga

A Xunta desestimou esta semana o proxecto de Toysal para unha planta de residuos en Casalonga (Teo). Agora ben, os veciños non se fían e temen un "vertedoiro encuberto".

Ante a posibilidade de que a empresa volva á carga solicitando un proxecto diferente, pero tamén relacionado cos residuos, a Plataforma Casalonga Limpa de Residuos volve á acción.

Será este domingo a partir das 11 da mañá. Unha cadea humana partirá da canteira Camilo Carballar, agora en desuso. Alí, fronte a Cornide, é onde os activistas sospeitan que Toysal tenta construír o citado vertedoiro.