Médicos Sin Fronteras recorrerá a sentenza histórica sobre os seus abusivos contratos de captación

Médicos Sin Fronteras (MSF) foi condenada polo Tribunal Supremo por incluír unha clausula abusiva nos seus contratos de captación de fondos. A disposición establece que o pesonal pode ser despedido sen percibir indemnización algunha en caso de non cumprir cun rendemento mínimo, de seis altas novas semanais. 

A organización posicionouse con respecto á sentenza, e recoñece que non é "favorable" para MSF, segundo fontes consultadas por Galiciapress. "Recoñecemos que a sentenza non é favorable para a organización e respectamos a decisión xudicial", declara a ONG. 

A pesar diso, MSF anunciou que presentará un recurso para revogar a sentenza que a obriga a retirar a clausula abusiva dos contratos. "Despois dunha primeira valoración da sentenza e considerando que a mesma non é en firme, imos presentar o recurso de casación ante o Tribunal Supremo porque consideramos que a sentenza non está a recoller de maneira ponderado as alegacións presentadas polas dúas partes e incorre en certos erros de apreciación". 

Galiciapress contactou coa CNT, da que aínda non obtivo resposta. No comunicado sobre a sentenza, a central sindical falou de "varios atrasos provocados pola empresa" por non entregar a proba requirida no xulgado.

A decisión xudicial prodúcese por mor dunha demanda do sindicato, que denuncia que "todas as organizacións" teñen clausulas similares nos seus persoais de captación de fondos, e recoñecen que esta sentenza "marca un antes e un despois no sector".