Cataluña terá novo President grazas á abstención da CUP

A CUP manterá a súa abstención na investidura do candidato de JxCat á Presidencia da Generalitat, Quim Torra, polo que será investido na segunda volta que se celebra este luns no Parlament.

Anunciouno nun comunicado tras a súa reunión do Consell Polític e do Grup d'Acció Parlamentària (GAP), no que explicaron que a CUP "non bloqueará a formación dun novo Govern, mantendo as súas catro abstencións, sen garantir a governabilidade, facendo unha oposición activa durante a actual lexislatura".

Coa abstención dos catro deputados 'cupaires', a investidura de Torra prosperará, xa que obterá a maioría simple necesaria ao ter máis votos favorables --os 66 de JxCat e ERC-- que contrarios --os 65 de Cs, PSC, comuns e PP--.