Hugo Mallo defende a permanencia de Aspas no Celta

O interese do Beijing Guoan da Superliga chinesa nun dos xogadores estrela do Celta, Iago Aspas, suxire escasas dúbidas no capitán do equipo celeste, Hugo Mallo, quen defendeu a permanencia do dianteiro a pesar das ofertas do conxunto chinés.

"Imaxínome que quedará, é moito máis que un simple xogador para o Celta. El quere retirarse aquí". Así defendeu a súa opinión Hugo Mallo sobre a dubidosa ida de Iago Aspas ao Beijing Guoan, unha moi pouco probable e á que suma a "gran tempada que está a facer co Mundial  á vista".

Hugo Mallo tamén comentou brevemente as cantidades  monetarias que bailotean ao redor da marcha de Iago Aspa: "Fálase de cifras moi grandes, pero Iago non se move por diñeiro. Eu espero que quede, sería unha gran alegría". Con todo, o capitán incidiu no respecto ante a decisión do xogador, sen importar cal sexa, posto que esta clase de eleccións son individuais e propias de cada un. 

Hugo Mallo non se esqueceu de Unzué, a quen tampouco ve fóra de Celta, a pesar de que "dicirlle que non ao Chelsea é complicado". O capitán do equipo celeste destacou por último que "esa pregunta é para el" e mostrou a súa negativa para "meterme onde non me chaman".