O centro de atención a persoas sen fogar funcionará as 24 horas do día

|


Santiago politicas sociais


A concelleira de Políticas Sociais do Concello de Santiago, Concha Fernández, presentou este martes o deseño final do proxecto de centro municipal de atención a persoas sen fogar, que pretende cubrir a carencia dun "servizo de atención diúrno" de media estadía que atenda  as "necesidades de integración social" do colectivo, e fomente a súa "participación" en sociedade desde a "perspectiva de xénero" as 24 horas ao día durante todo o ano.


A edila explicou que, tras realizar os estudos pertinentes coa participación de persoas sen fogar e de expertos na materia, chegouse á conclusión de que en Compostela "necesitábase conformar un recurso residencial de media estadía" (estancia mínima de mes e medio e máxima de ano e medio) para un grupo de 17 hóspedes, e que "puidese atender as distintas características de cada un", debido á "diversidade" existente dentro do colectivo.


Ademais, debido a que Santiago, tal e como apuntou a coordinadora do proxecto, Lucía do Río, xa conta cun centro de estancia nocturna para as persoas sen fogar, que é o albergue de Xoán XXIII, este novo centro "oferta tamén servizos de atención diúrna" para a "cobertura de necesidades básicas" e para a "progresiva recuperación e inclusión social".


Así, a edil municipal ha apuntado que "a parte residencial estará activa os 365 días do ano durante as 24 horas do día"; e a parte diúrna "terá un horario de 8,00 a 22,00 horas", salvo para "situacións excepcionais", como pode ser o caso das "ondas de frío que se están vivindo este inverno".


Así mesmo, a edila subliñou que esta edificación non só atenderá a "persoas sen teito", senón aos subtipos incluídos na clasificación ETHOS de persoas sen fogar. En concreto, destinarase axuda tamén ás "persoas sen vivenda" que temporalmente pairan en albergues ou pensións, aquelas con "fogares inadecuados ás súas necesidades" e ás que residen en "vivendas masificadas e inseguras".


CARACTERÍSTICAS DO EDIFICIO


A distribución do centro terá "dous espazos funcionais" deseñados para "diferentes modalidades" e que "requiren diferentes niveis de participación" e "de implicación" dos usuarios, así como de "diferentes necesidades de intervención psicosocial".


Por iso, haberá unha área de atención temporal, concibida para aloxar un máximo de 17 persoas e que dispoñerá de 11 cuartos individuales con baño propio, dous dobres para parellas e dous individuais "adaptadas de forma específica para persoas con mobilidade reducida". O obxectivo para a concelleira é "garantir a intimidade suficiente" e o "espazo propio" dos hóspedes.


Por outra banda, a concelleira apuntou á área de atención diúrna, cunha capacidade máxima de 90 persoas por día e que ofertará diferentes cursos. Nesta zona, poderase atender "de forma simultánea" a un grupo de 30 persoas, sobre o que se podería "traballar de forma máis inclusiva e adecuada", segundo as súas "distintas necesidades, posibilidades e intereses".


Concha Fernández explicou que a coordinación do proxecto correspondeu a Lucía do Río e que para chegar ao deseño final partiuse dunha "análise das necesidades" existentes no que respecta á atención de persoas sen fogar (23 persoas). 


Realizouse un "proceso participativo-consultivo" que realizou entrevistas grupales a 19 persoas sen fogar e entrevistas individuais a outras sete. Ademais, tamén "se falou con dous asistentes sociais", así como con profesionais da saúde e das entidades que traballan con persoas sen fogar.

relacionada ​A capital cobrarálles unha taxa aos turistas que non durman na cidade
relacionada ​Noriega reprocha que a dureza contra activistas non é "inocente"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress