​O xuíz chama a declarar a máis testemuñas no caso da hepatite C

|


Hepatite C


O titular do Xulgado de Instrución número 3 de Santiago, Andrés Lago Louro, citou para este mes de febreiro a familiares de falecidos por hepatites C e outras persoas que denunciaron "atrasos" na subministración dos novos tratamentos para esta doenza, un caso no que se manteñen investigados altos cargos do Sergas --Félix Rubial e Carolina González-Criado.


Segundo a citación, á que tivo acceso Europa Press, está previsto que a mediados de febreiro acudan familiares das persoas que faleceron como consecuencia desta enfermidade. De feito, os altos cargos do Sergas foron chamados a declarar en primeiro termo por prevaricación, pero tras un recurso presentado ante a Audiencia Provincial da Coruña pola Fiscalía e coa adhesión da Plataforma de Afectados, o instrutor tívoos que chamar a declarar tamén por un suposto delito de homicidio imprudente.


Nesas mesmas datas tamén acudirán a declarar dúas persoas que non faleceron pero que, segundo os denunciantes, "recibiron os tratamentos con dilacións inxustificadas".


Ademais, para o día 21 de febreiro están citados en calidade de testemuñas o xefe da Unidade de Transplante Abdominal do Complexo Hospitalario Universitario de Santiago (CHUS), Evaristo Varo --cuxa citación non se puido levar a cabo por unha viaxe profesional--; e a médico da Unidade de Transplante Hepático do Complexo Hospitalario Universitario da Coruña (Chuac) Alejandra Otero.


ÚLTIMAS DECLARACIÓNS


As últimas declaracións no xulgado por este caso foron en novembro de 2017. Tras as declaracións, a acusación particular dixo que "os testemuños do persoal facultativo, de farmacia e de xestión económica acreditaban que non se lle pode atribuír ao funcionamento da subcomisión ningún atraso na dispensación dos fármacos".


Para a acusación, as declaracións destas persoas revelaron unha "falta total de colaboración" por parte do Sergas e do persoal vinculado con este organismo, que se "limitaron" a dicir que "non lembran" ou "non teñen coñecemento" do que no seu momento se acordou en relación a estes tratamentos.


Pola súa banda, un día despois das declaracións no xulgado, a Consellería de Sanidade sostivo que "confirmaban a correcta actuación, baseada en criterios exclusivamente clínicos, dos membros da subcomisión de Farmacia" e afirmou que "os testemuños do persoal facultativo, de farmacia e de xestión económica acreditaban que non se lle pode atribuír ao funcionamento da subcomisión ningún atraso na dispensación dos fármacos".


relacionada Médicos do Clínico aseguran que houbo atrasos en tratamentos de hepatite C a pacientes graves
relacionada "Falta de colaboración" do Sergas sobre as irregularidades no tratamento de Hepatite C
relacionada Sanidade ampliará o plan da Hepatite C para tratar a todos os pacientes

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress