CaixaBank mantense por cuarto ano como mellor entidade de banca privada en España
As enquisas de Euromoney, realizadas por todo o mundo, destacan a calidade dos servizos e o seu modelo de negocio.
Gonzalo Gortázar e Jordi Gual, conselleiro delegado e presidente de Caixabank.
CaixaBank foi elixida por cuarto ano consecutivo como mellor entidade de banca privada en España en 2018 no Private Banking Survey 2018 de Euromoney, informou a entidade este martes nun comunicado.
O premio é o resultado das 2.395 enquisas que realizou Euromoney a entidades de todo o mundo, xestores de altos patrimonios e family offices, que identificaron a entidade como unha das mellor valoradas en banca privada pola calidade dos seus servizos e o seu modelo de negocio.
O presidente de CaixaBank, Jordi Gual, considera que este recoñecemento "reflicte a excelencia no servizo" que busca a entidade na súa relación co cliente e unha metodoloxía de asesoramento rigorosa e totalmente personalizada.
Escribe o teu comentario