Tras un 2023 para o recordo, Sara Faro e María Soa, as Fillas de Cassandra, arrincan 2024 presentando un novo espectáculo -para o que non quedan entradas o vindeiro venres 16 de febreiro en Vigo- no que revisarán 'Acrópole' desde unha nova perspectiva e descubrirán ao público no que están a traballar, con algún proxecto na cociña a lume baixo. Nesta conversa con Galiciapress, o dúo repasa os momentos máis emocionantes do último ano, a conexión que teñen co público e descobren as opcións reais que existiron para ir á última edición do Benidorm Fest, unha opción que descartaron e na que influíu unha actuación de Caamaño & Ameixeiras.