Os datos do Servizo Galego de Saúde evidencian o cambio de tendencia que se está rexistrando na comunidade, que en só dous días sumou 33 novos casos de coronavirus, un repunte que fai lembrar á escalada que sufriu a comunidade nos albores da pandemia. Aínda que o escenario a nivel epidémico non se parece ao ocorrido hai uns meses, xa que nesta situación a maioría dos contaxiados son asintomaticos e o número de hospitalizados é realmente baixo, polo que a asistencia está asegurada nestes momentos. Con todo, as autoridades sanitarias non esconden a súa preocupación por esta escalada que moitos xa sinalan como o comezo da segunda onda.