Morre un mozo de 25 anos e unha muller resulta ferida de gravidade ao chocar dúas motos na Guarda
O accidente tivo lugar ao redor das 13:00 horas deste sábado
Un mozo de 25 anos de idade faleceu e unha muller de 67 anos resultou ferida de gravidade nunha colisión entre dúas motos no quilómetro 44 da PO-522, ao seu paso polo municipio pontevedrés da Guarda.
Segundo informou o 112, o accidente tivo lugar sobre as 13:00, momento no que varios particulares avisaron da gravidade do impacto.
O corpo sen vida do home foi localizado fóra da calzada, nunha zona de monte. Por outra banda, a muller sufriu feridas de consideración debido ao choque.
A central de emerxencias solicitou a intervención do 061, do GES da Guarda, da Garda Civil de Tráfico, da Policía Local, do Servizo de Emerxencias de Mos e do servizo de mantemento da estrada.
Escribe o teu comentario