Piden máis de 20 anos de cárcere para un home acusado de dous delitos de agresión sexual a menores
Piden 15 e sete anos por senllos delitos, máis outros dous por lesións
A sección quinta da Audiencia Provincial de Pontevedra, con sede en Vigo, xulgará o vindeiro xoves, día 2 de febreiro, a un home acusado de dous delitos de agresión sexual a dous menores de 16 anos.
A Fiscalía solicita para o home 15 e sete anos de cárcere por senllos delitos e outros dous anos máis por un delito de lesións. Suman en total 24 anos de cárcere.
Nun dos casos, o acusado obrigaría a un mozo a manter relacións sexuais á forza a pesar de estar infectado por en virus do VIH. A consecuencia dos feitos, o menor sufriu unha infección gonocócica que requiriu asistencia sanitaria e seguimento por pediatría.
Derivado deste suceso, segundo explica o Ministerio Fiscal, a vítima sofre actualmente un cadro clínico ansioso-depresivo. É por iso que se piden os dous anos de prisión por delito de lesións ademais dos 15 por agresión sexual.
No segundo dos casos, o menor sufriu tocamentos contra a súa vontade. Por iso, o Ministeiro Público reclama tamén unha indeminización de 12.435 euros para o primeiro dos menores polas lesións, case 4.000 euros polas secuelas e 12.000 euros polo dano moral. Para a outra vítima solicítanse 7.000 euros por danos morais.
Escribe o teu comentario