O Son do Camiño saca á venda unha remesa sorpresa de abonos

A demanda de entradas para o Festival O Son do Camiño deste ano está a ser moi alta. As dúas quendas de abonos postas á venda xa se esfumaron en cuestión de minutos.

En teoría, xa non ía haber máis abonos á venda. Con todo, Esmerarte, a produtora de O Son do Camiño, sorprendía onte anunciando en Instagram un cambio de rumbo. 

"Debido a axustes de produción, poranse á venda o último coubo limitado de abonos o vindeiro mércores 6 de marzo ás 13:00h  Só en osondocamino.é", explicaba a organización. 

Sobre as entradas por días, o evento non concretou aínda cando estarán dispoñibles. O único que comentou é que "proximamente".

Quedan menos de dous meses para o inicio do macrofestival, pois na súa edición de 2024 será o 30 e 31 de maio, acabando o 1 de xuño. 

Un cartel moi diverso con cabezas de cartel internacionais

O punk de Greenday, o regueatton de J Balvin e o techno pop de Pet Shop Boy encabezan o sempre ecléctico elenco onde hai tamén espazo para o pop máis comercial (Ana Mena ou A Orella de Van Gogh), o rap máis de rúa (Fernandocosta e Natos e Waor) ou o indie rock estatal (Love of Lesbian e Arde Bogotá).  

O techno-folk lisérxico de Baiuca e a música urbana de Berto son parte da representación galega no cartel de O Son do Camiño 2024.