A Xunta enfróntase a máis xornadas de folga no SERGAS polo seu "decretazo" para abrir a PAC os sábados

A decisión da Xunta de Galicia para, de maneira unilateral, ordenar a apertura dos Puntos de Atención Continuada (#PAC) ampliando as xornadas do persoal sanitario ao sábado, medida que provocou un cisma na sanidade galega, tachando de "decretazo" a iniciativa de Sanidade. Neste contexto, e tras varias xornadas de protesta e coa folga de onte na Atención Primaria aínda coleando e coa PAC como pano de fondo, a Plataforma 'PACs Contra ou Decretazo' volve a menear a árbore, dando o seu apoio ás mobilizacións que terán lugar a próxima semana.

PROTESTAS

As concentracións convocadas para este luns 13 de abril ante os centros de saúde de toda Galicia terán o respaldo da organización, que busca pór o foco, de novo, na defensa da Atención Primaria, aproveitando a conmemoración do Día Mundial da AP. 

Así, consideran inspensables reclamar "un modelo sanitario público accesible, próximo e de calidade", nun momento de profunda crise na sanidade a nivel nacional e marcadamente en Galicia, onde á falta de médicos únese a falta de recursos, o envellecemento da poboación e a precariedade dos profesionais que compoñen o SERGAS. 

Desta forma, a análise do colectivo, integrado por médicos, enfermeiros, persoal de servizos xerais, celadores, condutores e telefonístas, describe "problemas estruturais" tanto nos centros de saúde como na PAC, marcados tamén polo aumento da carga asistencial, multiplicando as tarefas sen que se cubran os ocos existentes nos persoais. Esta sobrecarga está a ser afrontada polas administracións cunha reorganización dos servizos, que non fan máis que agravar as condicións dos profesionais e en detrimento de a calidade da atención que reciben os usuarios.

Coas protestas, ás que convidan á poboación a participar, farase público o "malestar existente" e a urxencia por "adoptar medidas que garantan unha atención sanitaria de calidade", abrindo a porta a máis protestas similares nas próximas semanas se a Xunta non se abre a un cambio radical no seu programa.