As nais coraxe únense para reivindicar que tamén as coiden a elas

Preséntase a Plataforma Estatal de Coidadoras Non Profesionais, unha nova organización que busca reivindicar os dereitos das coidadoras de persoas con dependencia. Esta iniciativa xorde da unión de nais coidadoras de fillos con grandes discapacidades, co obxectivo de mellorar a calidade de vida dos seus seres queridos e dignificar o seu labor.

O surgimiento desta plataforma enmárcase no contexto da consulta cidadá promovida polo ministro de Dereitos Sociais, Consumo e Axenda 2030, Pablo Bustinduy. O ministro anunciou que o seu departamento someterá a consulta pública o anteproxecto de reforma das leis de Discapacidade e Dependencia. Esta reforma pretende cumprir cos mandatos da recente actualización do artigo 49 da Constitución e adecuar a lexislación aos principios de autonomía plena, accesibilidade e dereito a unha vida independente e en condicións de benestar.

Segundo o ministro Bustinduy, estas reformas están orientadas a transformar o modelo de coidados e apoios a unha vida independente. Con todo, as coidadoras da plataforma consideran que as reformas se centran principalmente nos adultos maiores, excluíndo en gran medida aos menores de idade e aos seus coidadores.

Neste sentido, destacan a importancia de valorar a economía dos coidados, que non só é crucial para manter a vida, senón tamén para o funcionamento da economía real, un feito recoñecido pola Organización Internacional do Traballo (OIT), aínda que non se lle outorgue o valor axeitado

A plataforma fai un chamamento ás autoridades e ás institucións públicas para que coordinen e promovan o benestar social, non só das persoas dependentes, senón tamén dos coidadores principais, quen enfrontan numerosas dificultades diarias. As coidadoras principais, termo que a plataforma propón utilizar en lugar de "coidadoras non profesionais", sofren unha dobre discriminación. Por unha banda, existe un déficit nos coidados proporcionados polo Estado e na cantidade de servizos dispoñibles para os dependentes. Doutra banda, a figura do coidador principal atópase invisibilizada. Aínda que se lles proporcionen apoios externos, estes nunca serán suficientes para cubrir as necesidades continuas dos dependentes, argumentna.

O coidado dos fillos, realizado maioritariamente por mulleres (un 91,9% segundo o Instituto da Muller), considérase un traballo feito por amor ou por obrigación moral e sen remuneración. Esta situación é resultado da naturalización da feminidade e maternidade, así como da concepción do coidado dentro do constructo familiar. 

A plataforma tamén salienta a necesidade de reconceptualizar o modelo de coidado como un valor público e de recoñecer o traballo das coidadoras principais como un emprego formal, cos dereitos que iso leva. Insisten en que non debe ser responsabilidade exclusiva da familia garantir os dereitos e necesidades dos dependentes, senón que debe ser o Estado quen asuma esta obrigación.

En palabras das representantes da plataforma: "Loitaremos para deixar de ser invisibles e polos nosos dereitos como coidadoras non profesionais. Coñecemos dabondo os nosos deberes e queremos ser coidadas para poder seguir coidando. Necesitamos ser recoñecidas".

A Plataforma Estatal de Coidadoras Non Profesionais conta co respaldo de diversas organizacións, entre elas a Coordinadora Estatal de Plataformas de Dependencia, o Sindicato e Asociación 25 de Marzo, a Asociación de Nais e Titoras de Persoas de Gran Dependencia (AMALAN), o Consello Español para a Defensa da Discapacidade e a Dependencia (CEDD), o Sindicato Andaluz de Traballadores (SAT), a Asociación Axuda á Dependencia e Enfermidades Raras de Castela e León, e a Asociación Nais sen Límites.