Ninguén quere o transporte programado en Pontevedra: Ambulancias Civera prorroga o contrato deserto

Máis problemas nas ambulancias galegas despois de que ninguén presentase ofertas para asumir o contrato do transporte sanitario programado na área de Pontevedra - O Salnés.

Os sindicatos resolven que, despois de que a actual adxudicataria teña que asumir o servizo, esta situación proba que os contratos están infradotados e que ás empresas non lles interesan as licitacións da Xunta. 

Ambulancias Civera, actual adxudicataria do transporte sanitario para a pacientes da área de Pontevedra e O Salnés, seguirá realizando este servizo despois de que este luns 20 de maio pechásese o prazo sen que se presentasen ofertas no novo concurso para outorgar esta concesión.

O xerente da área Sanitaria, José Flores, confirmou que "non se presentou ninguén" a este concurso, polo que a Administración sanitaria ten que "prorrogar o contrato á empresa actual por necesidades do servizo e por interese público" ata que o Servizo Galego de Saúde (#Sergas) poña en marcha unha nova licitación. Trátase da segunda ocasión na que o concurso queda deserto.

O responsable da Federación galega de Alimentación, Mar, Transporte e Téxtil (FGAMT) da central sindical CIG, Xavier Aboi, entende que é necesaria un maior investimento económica por parte da Xunta de Galicia para resolver esta ausencia de empresas interesadas no concurso.

Segundo Xabier Aboi "con sete ou oito millóns de euros resolven a situación actual deste servizo en Galicia".

O representante de CIG tamén recoñeceu que "coas actuais condicións non se presenta ninguén" a pesar de que "empresas interesadas e serias de aquí hainas", polo que reclamou unha mellora das condicións de face a unha nova licitación do servizo.