A colaboración entre seguridade privada e Forzas e Corpos do Estado, crucial para o delegado do Goberno
Pedro Blanco insiste en reforzar a colaboración entre estes profesionais e as Forzas e Corpos do Estado.
O delegado do Goberno en Galicia, Pedro Blanco, presidiu este luns o acto polo Día da Seguridade Privada, no que instou a reforzar a colaboración entre estes profesionais e as Forzas e Corpos do Estado.
Nel, puxo en valor a posición de Galicia como terceira autonomía con menor taxa de delitos de España e agradeceu ao sector privado o seu "labor conxunto" coa seguridade pública nesta materia.
Tamén animou a seguir traballando "para eliminar a marxe de mellora aínda existente na comunidade", expuxo nun acto con presenza das subdelegadas do Goberno na Coruña e Lugo, María Rivas e Isabel Rodríguez, entre outras autoridades, así como o presidente da Asociación de Empresas de Seguridade de Galicia, Roberto Lage.
Nun acto, celebrado no Teatro Colón da Coruña e con entrega de distincións, o delegado destacou tamén a importancia da formación para facer fronte aos novos retos en materia de seguridade.
Escribe o teu comentario