Falece Luís Rial, xornalista radiofónico galego de longa traxectoria
Luís Rial era o xornalista activo de máis idade co seu programa diario nocturno 'Estamos Contigo'
O xornalista radiofónico Luís Rial (Santiago de Compostela, 1942) faleceu deixando un fondo pesar na súa cidade. Segundo trasladou aos medios o xornalista Javier García Sánchez, autor de 'A Radio de Rial', este foi o xornalista radiofónico en activo de máis idade co programa diario nocturno e de longa duración 'Estamos Contigo', emitido en Radio Obradoiro ( O Correo Galego), co que realizaba un importante labor social tentando axudar ás persoas máis necesitadas.
Traballou en varias cadeas radiofónicas: SER (Radio Galicia, nos anos 60), Radio Cadea Española, Radio Nacional de España, Radio Galega, desde a súa inauguración, e Radio Obradoiro até a súa cancelación; e especializouse en programas nocturnos de longa duración.
Percorreu Galicia dando a coñecer as súas festas e romarías e pronunciando máis de medio centenar de pregóns; dirixiu e presentou un programa de sucesos polo que lle concederon o Premio de Xornalismo de Galicia.
Tamén realizou programas dirixidos á emigración: 'Volta Galega a España' e 'Volta Galega a Europa', percorrendo os centros galegos existentes, e promoveu e dirixiu o programa radiofónico 'Festa do Amor'.
Entre os premios e distincións que recibiu están o Premio de Xornalismo de Galicia (1988), Premio á Galeguidade (1987), Premio de Xornalismo de Fexdega ( 1989), Premio Álvaro Cunqueiro de xornalismo gastronómico (1999) e Medalla de Bronce de Galicia (2003).
O cadáver será velado no Complexo Funerario Apóstolo Santiago, sa
a 'Obradoiro' (Boisaca). Este luns terá lugar ás 19,00 horas unha misa na capela do complexo funerario e seguidamente será incinerado na intimidade familiar. O funeral terá lugar o martes, día 9, ás 18,00 horas na Igrexa de San Agustín.
Escribe o teu comentario