Os dorsais da Carrera Enki a favor da diversidade na Coruña poderanse recoller no Corte Inglés
O Paseo do Parrote da Coruña acollerá a Carrera Enki Galicia o 15 de outubro. Os interesados en participar nesta proba de obstáculos non competitiva organizada pola Fundación Abrente, poderán recoller os seus dorsais en breve.
En concreto, a entrega de dorsais será no departamento de deportes do Corte Inglés de Ramón e Cajal desde o xoves, 13 de outubro, entre as 14 e as 21 horas. Ao día seguinte, o venres, a recollida estará dispoñible desde as 10 da mañá.
Pode anotarse todo o mundo; nenos sen idade mínima, familia, deportistas e non deportistas, homes, mulleres, persoas con e sen mobilidade reducida, atletas…etc.
É unha proba lúdica promove a inclusión e a visualización de colectivos e persoas con diversidade funcional, así como o respecto e a educación na diversidade. A organizadora é a Fundación Abrente , unha organización sen ánimo de lucro centrada en inclusión das persoas con diversidade funcional, con especial atención aos menores, a través da práctica da cultura física e deportiva non competitiva.
Como sempre, haberá premios especiais. Entre outros, para o equipo máis numeroso, o equipo con disfrace máis orixinal e equipo máis animado. Toda unha festa que aúna deporte, solidariedade e divertimento. Así foi a edición de 2021:
Escribe o teu comentario