É a oficina da Axencia Tributaria de Tui un risco para a saúde? CSIF denuncia os altos niveis de radón

Invisible e potencialmente mortal, o radón é un elemento polo que nas zonas de risco pola presenza deste elemento que ocupa o número 86 na táboa periódica recoméndase realizar estudos e tomar medidas preventivas. Son as que, aparentemente, non se aplicaron no edificio da Axencia Estatal de Administración Tributaria de Tui, onde CSIF denuncia os "niveis críticos de radón" nestas oficinas.

RISCO DE CANCRO

As medicións levadas a cabo polo sindicato revelan uns datos preocupantes que "superan os límites legais e representan un risco grave para a saúde dos traballadores". Por iso, reclaman que se suspenda inmediatamente a actividade presencial no edificio da AEAT de Tui por ser "extremadamente altos". 

"Os valores detectados representan un risco grave para a saúde dos traballadores", insisten desde CSIF, á vez que piden reducir a exposición a este gas radioactivo que pode incrementar as opcións a "desenvolver cancro de pulmón", pois en espazos pechados esta gasa "acumúlase e adhírese a partículas respirables que se fixan en pulmóns e vías respiratorias". 

"Desde o 20 de xuño de 2024, a normativa obriga ás institucións públicas a medir os niveis de radón en centros de traballo situados en plantas baixas ou baixo rasante de municipios prioritarios, segundo a instrución IS-47 do Consello de Seguridade Nuclear (CSN). O límite recomendado en España é de 300 Bq/m³, aínda que a OMS aconsella intervir ante valores superiores a 100 Bq/m³", apostila a central sindical, que demanda solucións como mellorar a ventilación do edificio, selar as gretas existentes ou instalar sistemas de extracción de aire. 

"A responsabilidade legal dos responsables das instalacións en caso de danos á saúde dos traballadores, incluíndo posibles sancións económicas e penas de prisión por incumprimento da normativa de seguridade e saúde laboral", advirten. 

 

 

QUE ES O RADÓN?

O radón é un gas radioactivo, incoloro, inodoro e insípido, que se produce de forma natural pola descomposición do uranio presente no solo, as rocas e a auga. É un elemento químico (símbolo Rn, número atómico 86) que pertence aos gases nobres na táboa periódica. O radón pode acumular en espazos pechos, como sotos ou casas mal ventiladas, ao filtrar desde o solo ou materiais de construción. Galicia é, ademais, un dos territorios onde está máis presente.

 

 

É perigoso para a saúde? Si, o radón pode ser perigoso. É a segunda causa principal de cancro de pulmón despois do tabaquismo, segundo a Organización Mundial da Saúde (#OMS) e a Axencia de Protección Ambiental (EPA). A exposición prolongada a niveis elevados de radón, especialmente en ambientes interiores, aumenta o risco de desenvolver cancro de pulmón, xa que emite partículas radioactivas que poden danar o tecido pulmonar ao ser inhaladas. O risco é maior para fumadores, pero tamén afecto a non fumadores.

 

Medidas de prevención:

• Medir niveis de radón: Usar dispositivos de medición (detectores de radón) en fogares, especialmente en áreas propensas a concentracións altas.
• Ventilación: Mellorar a ventilación en espazos pechos para reducir a acumulación do gas.
• Selado e mitigación: Selar gretas en solos e paredes ou instalar sistemas de mitigación (como ventilación activa do subsolo) en casas con niveis elevados.