A Xunta confirma que substituíu ao médico da Gudiña estaba borracho
O que non está claro aínda é se a Xunta tiña constancia oficial doutras queixas por parte dos pacientes. Hai que ter en conta que o alcalde declarou que xa houbo problemas anteriormente.
O estado de embriaguez do médico de garda na PAC da Gudiña (Ourense) en Noiteboa obrigou á súa substitución, segundo confirmou o conselleiro de Sanidade, Xullo García Comesaña. Tamén o ratificou a Europa Press o alcalde da Mezquita, Rafael Pérez.
"É así, unha vez que coñecemos a situación substituímolo de maneira inmediata e garantimos a atención aos pacientes desa zona", indicou o conselleiro en relación aos da Gudiña e A Mezquita. Neste sentido, agradeceu a "rapidez" coa que actuou á xerencia en relación ao caso dun profesional que se atopa xa de baixa laboral. O alcalde dixo que o médico se quixo pegar cun mozo nun bar.
CONATO DE PELEXA
En declaracións a Europa Press, o alcalde da Mezquita, Rafael Pérez, sinalou que veciños lle indicaron que de noite e en "evidente estado de embriaguez" protagonizou xa algún altercado nun bar.
Xa na xornada do 24 mantivo un enfrontamento co alcalde da Gudiña, José María Lago, dando aviso ambos os rexedores do sucedido á xerencia desta área sanitaria para que se procedese a designar un substituto.
Escribe o teu comentario