Marta Fernández Currás, exconselleira de Facenda da Xunta, nova conselleira independente de Ecoener

A xunta xeral de accionistas de Ecoener ha aprovado este venres o nomeamento de Marta Fernández Currás como conselleira independente, exsecretaria de Estado de Orzamentos durante o goberno de Mariano Rajoy co Partido Popular e exconselleira de Facenda da Xunta de Galicia co Goberno Autonómico de Núñez Feijóo entre os anos 2009 e 2011.

Tamén foi delegada do Insituto de Estudos Fiscais en Galicia do Ministerio de Economía, xefa da Dependencia Rexional de Recadación da AEAT en Galicia , interventora Xeral de Galicia, inspectora na Delegación Xeral de Galicia e inspectora na Delegación Central de Grandes Contribuíntes da AEAT, ademais doutros cargos.

Ecoener é unha empresa produtora de enerxía que traballa, segundo a compañía, "exclusivamente con tecnoloxías renovables, co obxectivo de mercado de xerar enerxía a longo prazo e "impulsar o desenvolvemento sostible para preservar a contorna e contribuír ao progreso social".

Ao anunciar o seu nomeamento, Ecoener destacou a "gran traxectoria profesional" da nova conselleira, así como "a súa formación e a súa valía persoal", que "reforzará o bo goberno corporativo" da firma.

Fernández Currás formará tamén parte da Comisión de Nomeamentos e Retribucións.
 

SOLIDEZ E ESTABILIDADE

Á marxe deste nomeamento, a xunta de accionistas de Ecoener deu 'luz verde' ás contas do ano 2022, que se pecharon cun resultado de 20,2 millóns de euros, multiplicando por 3,6% o beneficio de 2021. En canto á cifra de negocio, Ecoener alcanzou os 72,9 millóns, cun incremento interanual do 83%.

O presidente da compañía, Luís de Valdivia, destacou a "solidez e estabilidade" de Ecoener, cualificando o 2022 como un "exercicio de crecemento e consolidación". Asegurou ademais que a súa previsión é superar as cifras do pasado ano en 2023.

Na xunta aprobouse tmabién que a consultora Deloitte substitúa a KPMG na xestión e na revisión das contas de Ecoener, segundo puideron confirmar fontes da compañía.