Falece en Barcelona o galego Moncho Neira, creador do Botafumeiro e embaixador da cociña do mar
O chef e empresario Moncho Neira, natural de Galicia e fundador da emblemática marisquería Botafumeiro de Barcelona, faleceu o domingo 5 de outubro aos 84 anos. O seu grupo empresarial, Moncho’s, confirmou a noticia en redes sociais, destacando o seu carácter “apaixonado, visionario e xeneroso” e a súa entrega á arte da hospitalidade.
Instalado en Barcelona desde mozo, Neira levou sempre consigo o seu espírito galego, que plasmou na filosofía da súa cociña: produto fresco, trato próximo e respecto polo mar.
Fundou o Botafumeiro en 1975, que cos anos converteuse nun símbolo da gastronomía galega en Cataluña. Ademais, foi propietario doutros restaurantes do grupo, como Cafè Europa, Wynwood Café, The Chipirón, Asador do Mar, Mariña Bay, A Taberna do Cura e Mama Grill.
O tanatorio celebrarase en Sant Gervasi (Barcelona), e posteriormente, o enterro terá lugar en Galicia, nun acto íntimo reservado á súa familia. O seu legado, con todo, seguirá vivo tanto nas cociñas que levan o seu nome como na memoria de quen gozaron da súa maneira de entender a gastronomía galega e mediterránea.
Escribe o teu comentario