Cancelacións e atrasos en Lavacolla pola folga en Iberia debido a “xornadas de até 11 horas”

Varios voos cancelados e numerosos atrasos. Este é o panorama que está a deixar a primeira xornada de folga convocada polos traballadores de Iberia no aeroporto de Santiago de Compostela, Lavacolla - Rosalía de Castro. Hai que lembrar que o paro afecto a máis compañías que Iberia, pois o persoal desta empresa tamén presta servizos para outras aerolíneas.

Así, segundo figura na páxina de AENA, esta mañá canceláronse o voo de Air Europa destino Madrid. Xa onte anunciouse que habería dúas cancelacións de conexións con Madrid - Barajas e unha con Bilbao.

De face ás próximas horas, no portal oficial de Lavacolla, aparece como canceladas as conexións de Iberia con Madrid das 13:45 (conexión compartida con Avianca, American Airline, Royal Air Maroc e Vueling), de Air Europa tamén con Madrid ás 16:55, de Iberia con Madrid ás 21:45 (voo compartido coas mesmas aerolíneas que a conexión das 13:45). 

Ademais, de todos os voos que partiron ou cuxo embarque está anunciado, só un vai en tempo. O resto acumula atrasos, aínda que non moi importantes, duns dez minutos na maioría dos voos.

Para o venres e as primeiras conexións do sábado non hai información de cancelacións. Con todo, é posible, mesmo probable, que as haxa. E é que a sección sindical de UXT de Iberia en Santiago convocou dúas xornadas de folga para hoxe , 16 de maio, e mañá venres, 17 de maio.

Traballadores superados ante previsible aumento da carga de traballo

Por que se está producindo a folga? En parte polas obras de reparación do aeroporto de Vigo, Peinador. Os voos desa pista foron redirixidos a Lavacolla. 

Os traballadores alegan que o aumento de carga de traballo é bestial e que o persoal de reforzo contratado non é suficiente. Un dos sindicatos, UXT, advertiu, a través do portavoz Roberto Rivas en declaracións a RNE,  que a tensión da situación provocou que algúns traballadores se marcha na casa chorando e que haxa serios problemas na xestión das equipaxes.

A central protesta ante a sobrecarga de traballo e a falta de persoal que di soportan os empregados de Iberia no aeroporto de Santiago. UXT leva tempo denunciando as condicións laborais no servizo de handling de Iberia en Santiago. A empresa, con todo, limitouse a argumentar que todo funciona con normalidade, sen ofrecer respostas claras, segundo a versión sindical.

Esta situación viuse agravada recentemente polo peche do aeroporto de Vigo, o que provocou un desvío de carga laboral cara a Santiago  En coincidencia coa folga de mañá, UXT organizou unha concentración ás 12:00 horas na zona de saídas do aeroporto Rosalía de Castro.

XORNADAS DE ATÉ 11 HORAS

Desde UXT destácanse as xornadas de traballo excesivas, que poden estender desde as 5 da mañá até as 18:00 horas, con quendas partidas para cubrir os picos de traballo. Estas condicións dificultan seriamente a conciliación da vida laboral e persoal dos empregados e afectan negativamente a súa saúde, con riscos físicos e psicolóxicos significativos.