Besteiro reclama que Rueda e Feijóo defendan os intereses da pesca ante as reformas de Milei
O candidato do PSdeG á Xunta píde aos dous políticos do PP "que saian do seu agocho"
O deputado no Congreso e aspirante do PSdeG á Presidencia da Xunta, Xosé Ramón Gómez Besteiro, instou ao presidente da Xunta, Alfonso Rueda, e ao líder do PP, Alberto Núñez Feijóo, a "defender" os intereses do sector pesqueiro que se pode ver afectado polas reformas que planea o novo Goberno arxentino presidido por Javier Milei.
"A reforma pesqueira que ten encima da mesa Milei prexudica seriamente os intereses dos españois e, especialmente, da flota pesqueira galega. Comprométense investimentos, intereses, emprego, en definitiva, a aposta desa parte da nosa economía tan importante", sinalou nun vídeo difundido aos medios Besteiro este venres.
O candidato socialista á Xunta o próximo 18 de febreiro subliñou que o novo presidente arxentino era "o candidato preferido polo que apostaban" Rueda, Feijó e "o mismísimo" líder de Vox, Santiago Abascal.
Así, preguntouse "a que esperan" todos eles "para saír a defender os intereses españois". "Que saian do seu agocho e defendan os intereses do noso país", apostilou, antes de afirmar que mantivo encontros co ministro de Asuntos Exteriores, José Manuel Albares, sobre este asunto.
Escribe o teu comentario