Trinta embaixadores apoian a candidatura da Coruña como sede do Mundial 2030

O Concello da Coruña enviou á comisión evaluadora das candidaturas para acoller as futuras sedes do Mundial 2030 dous vídeos que recollen o apoio de até 30 embaixadores á candidatura de Riazor.

Así o explicou o consistorio, que remarcou que, entre esas figuras que avalan a cidade, atópanse Bebeto, Mauro Silva e Irureta.

Os vídeos tamén mostran o "estreito vínculo" da cidade herculina co seu equipo e a historia de "loita, sacrificios e éxitos" do Deportivo.

Desta forma, A Coruña é unha das cidades que optan ser sede do Mundial, achegando infraestruturas e proxectos para converter Riazor nun estadio do "máximo nivel" e un recinto multiusos que poida acoller eventos de "dimensión internacional".

Esta semana a comisión evaluadora tivo unha nova reunión na cidade na que o goberno local informoulle das "potencialidades" da Coruña para acoller os partidos desta competición.