Presentación e firma do libro 'As receitas da voltas co prato' no Corte Inglés da Coruña
A cita será o 11 de marzo e contará coa presenza de Begoña Vázquez, unha das autoras da obra
O vindeiro martes 11 de marzo, a libraría do Corte Inglés da Coruña será o escenario dun evento gastronómico moi especial: a presentación e firma do libro As receitas da voltas co prato. A cita terá lugar ás 12:00 horas e contará coa presenza de Begoña Vázquez, unha das autoras da obra.
O libro As receitas da voltas co prato nace do exitoso programa da TVG A voltas co prato, no que Begoña, Estefanía, Merchi e Xullo conforman un equipo inigualable ao redor dunha gran cociña. A través das súas páxinas, os lectores poderán descubrir receitas tradicionais reinventadas de forma sinxela, divertida e didáctica, coa paixón e o amor pola cociña que caracteriza ao programa.
Este libro é o resultado da unión de experiencias, saberes e sabores deste grupo de cociñeiros, quen plasmaron nel o seu entusiasmo pola gastronomía e o valor da cociña de outrora, adaptada aos tempos modernos.
O evento será unha oportunidade única para os seguidores do programa e os amantes da cociña tradicional galega, quen poderán coñecer de primeira man os segredos culinarios da voltas co prato e levar o seu exemplar asinado.
Escribe o teu comentario