O Revenidas cóase en dous nomeamentos dos Iberian Festival

Os Iberian Festival Awards elixen cada ano aos mellores festivais da península. Só o mellor do mellor se pasea pola alfombra vermella duns galardóns que mide ao milímetro aos seus condecorados. É nesta disciplina onde o Festival Revenidas goza dunha máis que merecida fama polo seu bo facer, algo que lle abriu as portas desta entrega de premios con dous nomeamentos que sitúan a esta cita, ineludible para os festivaleros, entre as máis recoñecidas de España e Portugal. 

Con 25.000 asistentes na súa pasada edición, o Reve volverá este verán, con catro días de música do 12 ao 15 de setembro. Para entón, podería lucir no seu palmarés de dúas décadas de música os premios a Mellor Festival Lusófono e Hispánico e de Mellor Fotografía de Festival. 

O ano pasado, Zoo, Sara Hebe, Fillas de Cassandra ou Rodrigo Cuevas foron algúns dos atractivos dun cartel que está gardado aínda baixo chave para a súa nova edición. O asturiano é un dos protagonistas destes premios, xa que a instantánea de Christian Pérez, fotógrafo principal do Reve, pode ser a gran triunfadora da noite. Non será até o 15 de marzo que se coñeza o desenlace, cando se abran os sobres cos gañadores na VIII Edición dos Iberian Festival Awards terá lugar en Granada.