"Memorias dun neno labrego" é agora tamén unha novela gráfica

Esta semana, os estantes das librarías de toda Galicia veranse enriquecidos coa chegada dunha obra literaria de gran fama noutro formato. "Memorias dun neno labreo" nun novo formato, unha adaptación ao cómic da aclamada novela de Xosé Neira Vilas toma forma grazas ao talento da ilustradora Iria Aldegunde.

Publicada dentro da colección Novela Gráfica de Edición Xerais de Galicia, esta adaptación leva aos lectores a unha experiencia visual única, mergullándoos no mundo narrativo que conquistou xeracións. O clásico de Neira Vilas, coñecido pola súa narrativa emotiva e pulso literario, cobra vida dunha maneira completamente nova a través da destreza artística de Aldegunde.

A viaxe comeza coas sinxelas palabras de Balbino, o protagonista desta obra literaria que transcendeu fronteiras e foi traducida a varios idiomas. "Eu son… Balbino. Un rapaz de aldea. Coma quen dei, un ningúen. E ademais, pobre".". Estas liñas, que resoaron nos corazóns de lectores de todas as idades, pero sobre todo dos que se criaron no campo -que aínda é a maioría da poboación de Galicia- marcan o inicio dunha exploración profunda -ás veces doce, ás veces amarga- da vida rural galega.

A autora Iria Aldegunde, a través da súa habilidade para a caricatura, logrou capturar a esencia da narrativa de Neira Vilas. Na súa adaptación gráfica, Aldegunde presenta un retrato visual do mundo que Balbino observa con ollos curiosos, esforzar por comprender a complexidade que rodea a súa existencia. Tal como afirma o propio Balbino na novela, todos chegamos ao mundo cunha bolsa de preguntas, e esta novela gráfica busca ofrecer moitas desas respostas a través da súa expresión visual única.

A colaboración entre o falecido Xosé Neira Vilas e a moza talentosa 

 representa unha ponte xeneracional na literatura galega. Neira Vilas, nacido en Gres en 1928, foi membro da Real Academia Galega e recibiu o título de Doutor Honoris Causa polas Universidades da Coruña e a Habana. A súa extensa obra literaria inclúe  a citada obra cume, publicada en 1961, unha novela que foi reeditada e traducida en innumerables ocasións, consolidar como unha das pezas fundamentais da narrativa galega contemporánea.

Iria Aldegunde, nacida en Santiago de Compostela no ano 2000, destacou como caricaturista e combinou os seus estudos de Filoloxía Inglesa coa súa formación en deseño na escola profesional Hermetic Garage. A súa participación en libros colectivos como "Florencio" (2022) e "Gaspariño XXI" (2023) demostra a súa versatilidade artística.