Estes son os mellores plans para este fin de semana en Galicia
Presentámosvos algúns dos eventos lúdicos e culturais aos que poderemos acudir este fin de semana na comunidade.
Inventio: O Teatro Colón da Coruña recolle este sábado un espectáculo musical de gran formado. En 'Inventio' combínanse comedia e drama, ademais de danza ilusionismo e artes circenses. Inclúe dous pases: un ás 17:00 e outro ás 20:30, con entradas de entre 13 e 25 euros, segundo a localidade elixida.
#Obxectivo Muralla: Desde esta semana e até o próximo 3 de febreiro permanecerá aberta en Lugo a exposición '#Obxetivo Muralla', que chega á Biblioteca Pública da cidade da man da Escola de Arte Superior de Deseño Ramón Falcón, a través das 25 imaxes da muralla romana lucense realizadas por cinco fotógrafos titulados no centro.
Her Anxiety: Para os amantes do Metal, Vigo acolle este sábado un concerto da banda local Her Anxiety, fomada na localidade olívica en 2020 por músicos de gran experiencia na escena galega. O espectáculo será na Sala Transylvania e dará comezo ás 21:30, con entradas á venda desde os 8 euros.
Moncho Borrajo "50+1": O humorista ourensán celebra os seus "50+1" anos nos escenarios. Para iso, preparou este espectáculo formidable que presentará este domingo na Sede Afundacción de Pontevedra. Será ás 19:00 horas e as entradas teñen un prezo desde os 18 euros.
Whisky Caravan + Mar de Fondo: Un concerto de rock chega este fin de semana á Coruña. Co motivo do lanzamento do seu novo disco de estudo, a banda madrileña Whisky Caravan anuncia unha nova xira, que nesta ocasión fará acompañada de Mar de Fondo. Con entradas a 12 euros, a banda reunirase este sábado ás 12:30 no Garufa Club.
Carlos Blanco: Este domingo ás 18:00 teremos outro evento humorístico no Auditorio Xullo Vázquez, da Pobra de Trives. Esta vén da man de Carlos Blanco, que decide revisar algúns dos seus máis coñecidos monólogos durante 70 minutos de risas, elementos de actualidade e improvisación.
Escribe o teu comentario