Evoluciona favorablemente o apuñalado no Orzán, cos seus agresores detidos e en prisión provisional
Os feitos ocorreron a madrugada do xoves ao venres na zona de pubs da cidade herculina. Os investigados foron detidos pouco despois do suceso.
O home apuñalado na zona de pubs do Orzán, na Coruña, na madrugada do pasado 19 de abril, atópase ingresado en planta, no complexo hospitalario universitario da Coruña (Chuac), con evolución favorable, segundo informaron fontes hospitalarias consultadas por Europa Press.
En relación a este caso, a maxistrada do Xulgado de Instrución número 2 da Coruña decretou o ingreso en prisión provisional, comunicada e sen fianza do catro detidos.
Segundo fontes do Tribunal Superior de Xustiza de Galicia (#TSXG), todos eles están investigados por un delito de asasinato en grao de tentativa ou consumado, dependendo da evolución da vítima.
Os feitos ocorreron sobre o cinco da madrugada do venres na zona de copas desta rúa herculina, aínda que a detención se produciu pouco despois na rúa Torreiro.
Escribe o teu comentario